>> O sábado 26 de outubro o Salón Internacional de Turismo Gastronómico acollerá o I Concurso Mellor Burger de Galicia promovido por Martín Fernández do Restaurante Bágoa, autor da Mellor Hamburguesa Gourmet de España en 2024, coa colaboración da Unión de Hostaleiros de Ourense (UHO) e Expourense
>> Aberto aos profesionais da hostalería que deben presentar unha receita inédita elaborada con produtos galegos. O prazo para incribirse conclúe o 20 de outubro
Xantar, Salón Internacional de Turismo Gastronómico, celebra a súa 25ª edición en Expourense entre o 24 e o 27 de outubro. Unha das actividades para festexar estas vodas de prata do salón será o “I Concurso Mellor Burger de Galicia” que está promovido polo chef Martín Fernández, do Restarante Bágoa de Ourense, que é o autor da “Mellor Hamburguesa Gourmet de España 2024”.Para poñer en marcha este concurso, que se celebrará o sábado 26 de outubro en Xantar, conta coa colaboración de Expourense e da Unión de Hostaleiros Ourensáns (UHO).
Este concurso está aberto a profesionais da hostalería de toda Galicia que poden incribirse no concurso ata o vindeiro día 20 de outubro. Cada participante terá que presentar unha hamburguesa inédita e orixinal, que non sexa copiada nin que xa estea incluída no menú do restaurante do participante. Os ingredientes empregados Terán que ser, nun mínimo do 80%, produtos galegos. Contará cun xurado profesional e a entrega de premios terá lugar o domingo 27 de outubro durante o acto de clausura de Xantar 2024.
Haberá 3 clasificados (1º, 2º e 3º posto) que recibirán de premios varios lotes de productos das empresas colaboradoras do Concurso (Coren, Carnes Parente, Queixos Amalia e o propio Restrante Bágoa. As bases de participación e o formulario de inscrición están dispoñibles AQUÍ.
Comentarios recientes