Setúbal, “Terra de Peixe”, repite presenza en Xantar

Despois da boa acollida pola parte do público asistente na última edición de Xantar, o municipio portungués de Setúbal confirma por segundo ano consecutivo a súa presenza no Salón Internacional do Turismo Gastronómico que se celebrará en Expourense entre o 3 e o 7 de Novembro

Malia ser coñecida mundialmente polas súas famosas praias (Figueirunha é simplemente un exemplo), Setúbal é “a terra do peixe” por excelencia convertindo ao pescado nun dos seus atractivos turísticos coma o é tamén o Mercado do Livramento, un dos máis famosos mercados de pescado do mundo según o USA Today e que precisamente o próximo 31 de xulio cumprirá 145 anos de Historia. Alí pódense atopar todos os ingredientes que fan desta cidade unha marabilla gastronómica: o pescado e o marisco máis frescos e tamén unha ampla variedade de froitas e legumes, pan e mel de produtores locais. Os viños, premiados internacionalmente, con énfase en Moscatel, e os doces, así coma o famoso queixo Azeitao, tamén gañan un lugar destacado na gastronomía da rexión.

Situada a preto de 40kms ao sur de Lisboa (a capital portuguesa), Setúbal é coñecida pola súa ubicación natural única, xa que vive entre o Estuario de Sado e a súa comunidade de delfíns, a natureza ancestral da Serra da Arrábida e as súas praias paradisíacas localizadas nunha das baías máis fermosas do mundo.

A cidade naceu do río e do mar e a presenza humana remóntase á Prehistoria. Durante a ocupación romana foi un dos principais centros de preparación e exportación de derivados de pescado –  os vestixios das fábricas de salazón poden verse aínda hoxe en día.

As opcións relacionadas coa gastronomía multiplícanse para o turista en Setúbal podendo comer nun dos restaurantes típicos de pescado asado descubrindo cómo pescado, sal e carbón poden ter sabores únicos. Pode deleitarse na cultura do mar e a pesca visitando o Museo do Traballo Michel Giacometti e bucear nas augas limpas nunha das magníficas praias, recorra unha senda na Serra da Arrábida e termine o día con marisco fresco na mesa.