¿Que é Xantar?

Xantar é a única feira internacional de Turismo Gastronómico recollida no calendario oficial de “Feiras Comerciais Internacionais” españolas que publicou a Secretaría de Estado de Comercio do Ministerio de Industria, Comercio e Turismo do Goberno de España no B.O.E. 312 do 29/12/2022. Xantar celebrará asúa 25ª edición entre o 24 e o 27 de outubro de 2024.

Cunha traxectoria de 25 anos poñendo en valor os produtos agroalimentarios de calidade, a elaboración e o servizo profesional, tense convertido nun referente para os destinos enogastronómicos máis punteiros, tanto de España como de Portugal. Esta diferenciación atrae ademais a outros participantes internacionais, fundamentalmente desde Iberoamérica.

Esta liña de internacionalización permitiu crear redes de cooperación en materia de Gastronomía e Turismo Sustentable e Saudable.

Este salón ofrece una vinculación de carácter experiencial entre o expositor e o visitante a través de diversas accións, que fusionan a tradición e a innovación propia dos territorios presentes en Xantar a través de exhibicións, catas temáticas, cociña en directo e moitas máis iniciativas que ocorren durante catro días de intensa actividade.

No marco de Galicia, supón a promoción internacional das 300 festas gastronómicas desta comunidade, algunas delas de Interese Turístico Nacional ou Internacional.

Outro dos obxectivos do salón é a dinamización do rural a través da enogastronomía e do turismo, promovendo produtos innovadores que destacan pola súa calidade e sustentabilidade.

Séguenos